Ekimenak

BIDALTZAILEA: JAYASUDHA

Atal honetan Jayasudharen inguruko berri guztiak argitaratuko ditugu, zu ere bere bizitzaren parte bilakatu zaitezen. Indiatik urtean Jayasudharen bi eskutitz jasoko ditugu eta orrialde honetan argitaratuko ditugu. Abenduan ere gabonetako zorion-postal bat jasoko dugu eta zuekin konpartituko dugu.

JAYASUDHArentzat

Orain hasi eta urteetan zehar finkatuz joango den harremanaren partaide egin nahi zaitugu. Jayasudhari eskutitzak idazteko aukeraz informatu nahi zaitugu. Nahi dituzun eskutitz adina eta nahi duzunean bidaltzeko aukera izango duzu. Vicente Ferrer fundaziotik postalak bidaltzea gomendatzen digute, izan ere, testua laburragoa izateaz gain, postalek argazki edota irudiak izaten dituzte, eta haurrei asko gustatzen zaie. Gu arduratuko gara zuen eskutitzak itzultzeaz eta itzulita daudenean, Indiara bidaliko ditugu. Interesatuta bazaude bidali e-mail bat fundacion@ulma.com helbidera, bidali nahi duzun testu eta irudiarekin.